Ukrainanıñ NATOğa qoşuluv meselesi boyunca qararnı yalıñız ukrain halqı ve Şimaliy atlantik alyans azaları başqa memleketler kirişmeden qabul etmeliler.
Bu aqqında AQŞ devlet departamentiniñ resmiy vekili Mari Harf bildirdi, – dep haber ete TASS.
«Biz er daim aytamız, NATO qapuları açıq olmalı», – dep hatırlattı Amerika diplomatı.
Onıñ qayd etkenine köre, alyansqa kirecek olğan devletler sert şartlarğa riayet etmeli.
Salı künü, dekabr 23-te, Yuqarı Rada «Ukraina qanunlarına Ukrainanıñ bloktan tış statusından vazgeçüv aqqında kirsetilecek deñişmeler aqqında» prezident qanunını qabul etti.