İşğal etilgen Qırımda bazı şahsiy tükânlarda beşçtahtalardan Rusiye rublesi ile olğan mahsulat levhaçıqlarnı alıp taşlaylar. Bu aqta içtimaiy ağlarda keriçliler yaza, – haber ete Qırım.Aqiqat mühbiri.
Keriç sakini Aleksey aytqanı kibi, salı künü, dekabr 16-da, tükânlarnıñ birinde bütün levhaçıqlarnı aldılar, satıcı daima mahsulatnıñ fiyatını kurs boyunca sayıp çıqmağa mecbur edi.
İş adamlarından bazıları ayneci yollar ile «dollar» birleminde fiyatlarnı belgileyler.
«Külünçli: malnıñ üstünde: «kod 25», «kod 28» yazılğan. Men: bu ne demek? – sorasam, dollar boyunca fiyatlar olğanını cevap bereler», – dep yaza keriçli Facebook içtimaiy ağında
Evel bildirilgeni kibi, Rusiye rubleniñ tüşmesi ile işğal etilgen Qırımda para eyecanı başlandı. Qırım.Aqiqat bergen malümatına köre, çetel paranıñ kursı er 5-10 daqiqa deñişe. İnsanlar telâşta deñiştirüv noqtalarında olğan para birlemlerini satın almağa atılğanlar.