Qırım «prokuraturası» zapt etilgen topraqlarda qanunsız alda qurulğan inşaatlarnı teşkerecek ola.
Bunı «prokuraturanıñ» matbuat hızmeti bildire.
Berilgen malümatqa köre, bütün Qırımda olğan «narazılıq meydanlarındaki» topraq damartılarınıñ zapt etilmesi boyunca teşkerüvler keçirilecek.
Bazarertesi künü, dekabr 15-te, Qırımnıñ öz başına ilân etilgen baş naziri Sergey Aksönov bildirdi ki, soñki yarım yıl devamında yarımadanıñ «narazılıq meydanlarında» qurulğan inşaatlarnı yıqacaqlar.
«Narazılıq meydanlarınıñ» iştirakçileri Qırım akimiyeti topraq meselesinde vatandaşlarnıñ menfaatlarını köz ögüne almağanını bildirgen ediler. Bunı Aqmescit civarındaki Avtogaz ve Strelkovoye massivleriniñ sakinleri ayttılar. Olar Rusiye prezidenti Vladimir Putinge şikâyet ettiler.