Groznıy şeerinde mahsus ameliyat neticesinde uquq qoruyıcı organlarınıñ 10 hadimi elâk oldı, daa 20 insan yaralandı, dep haber ete İnterfaks agentligi. Sakinler zarar körmedi, dep bildire akimiyet.
«Serbest mobil taqım»nıñ uquq qoruyıcısı Sergey Babinets Azatlıq Radiosına Groznıy şeerinde olayatqan adiseler aqqında tarif etti. Soqaqqa çıqmamağa tevsiye etile, çıqqanlarnı evlerge qaytmağa çağıralar, tükân ve mektepler çalışmay, şeerden ve şeerge kiriş-çıqışlarnñ qapalı olması da mümkünndir.
Şaatnıñ sözlerine köre, atış davuşları Groznıy şeeriniñ diger rayonlarında bile eşitile edi.
Cumaaqşamına keçer gecesi boyeviklerniñ taqımı Groznıy merkezinde Matbuat evini zapt etti. Bundan evel boyevikler ve GİBDD hadimleri arasında çatışma yüz berdi. Neticede bir qaç hadim elâk oldı. Birazdan belli olğanı kibi, Matbuat evini zapt etken yedi boyevikni öldürgenler. Ameliyatnı Çeçenistan başı idare ete. Birazdan Kadırov şeer merkezinde №20 mektebinde de silâlı insanlarnıñ blok etilmesi aqqında bildirdi.
Groznıy merkezinde yüz bergen ücümler aqqında mesülietni özüne «İmarat Kavkaz» terroristik teşkilâtı aldı. Bu aqta boyeviklerniñ saytında aytıla.