Lvovda keçirilgen «Qırımtatarlar kimlerdir?» interaktiv lektsiyalarnıñ çerçivesinde nevbetteki lektsiya Qırımdaki islâm dini aqqında olacaq.
Bunı Qırım.Aqiqat saytına tedbirniñ teşkilâtçıları – Krım SOS cemaat teşkilâtı ve Ukrainada Avropa Şurasınıñ Ofisi ola.
«İslâm Qırımda: tarihiy aqiqatlar ve zemaneviy kerçek» serlevalı lektsiyanı islâm boyunca mütehassıs Elmira Muratova oquycaq.
«O, Qırımda islâmnıñ peyda oluvı, onıñ qırımtatarlarğa olğan tesiri ve yarımadada bugünki diniy vaziyet aqqında tarif etecek», – deyler teşkilâtçılar.
Tedbir cumaertesi künü, dekabr 6-da, yerli vaqıtqa köre saat 14:00 Mulârska soqağı, 2A adresi boyunca yerleşken İlk Lvov kütüphane binasında keçecek.
Qırımnıñ işğalinden soñ Lvov vilâyetine tahminen bir buçuq bin qırımtatarı köçip keldi. Lektsiyalarnıñ maqsadı – Lvov sakinlerini ve şeer musafirlerini qırımtatar halqınıñ tarih ve dini ile tanıştırmağa, medeniyetlerara dialognıñ peyda olmasına yol bermektir.
Leyha çerçivesinde qırımtatar halqınıñ adetleri ve muzıkalı medeniyeti aqqında lektsiyalar keçti.