Qırımtatar sanatkârları dekabr 6 künü Kiyevde keçirilecek Ukrain katolik universitetiniñ hayriye aqşamına öz eserlerini bağışladılar. Olğan aqçağa universitet qırımtatar sayısından istidatlı gençler içün ayrı stipendiyanı kirsetecek.
Bu aqta aliy oquv yurtunıñ saytında aytıla.
«Qırımtatarlarnıñ vaziyeti ağır olğanını añlaymız. İnanamız ki, olar zemaneviy ukrain siyasiy milletniñ ayırılmaz bir qısmı olıp, ukrain mensüpligine saiptirler», – dep qayd etti UKU birinci prorektorı Taras Dobko.
Bu kibi destekniñ teşebbüsçileri qırımtatar sanatkârları – Rustem Skibin, Elmira Seit Ametova, Mamut Çurlu, Eldar Güsenov ve digerleri oldılar.