Ukraina Rusiyeniñ Qırım işğali ile bağlı muracaatlarnı halqara mahkemeler, şu cümleden arbitraj mahkemesine de azırlay. Bu aqqında Ukraina tışqı işler naziri Pavlo Klimkin cuma künü, noyabr 14-te, Twitterde bildirdi.
Pavlo Klimkin internet qullanıcılarından biriniñ Qırım mal-mülki boyunca halqara mahkemelerge muracaatlar işi aqqında sualine cevap berip, Ukraina bir qaç halqara mahkemege muracaat etecegini qayd etti.
Готовимся обращаться и в Международный суд ООН, и в Европейский суд по правам человека. И международные арбитражи не забудем.
— MFA of Ukraine (@MFA_Ukraine) 14 ноября 2014
Ukraina diplomatiyasınıñ tarihında ilk Twitter intervyüsı noyabr 14-te Kiyev saatine köre saat 16-dan saat 17-ge qadar Tışqı işler nazirliginiñ saytında olıp keçti.
Pavlo Klimkin İnternet qullanıcıları ile böyle subetleşe.
O, Rusiye qullanıcılarınıñ suallerine de aynı şekilde cevap bergen edi.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.