Aqyar ve Aqmescit Rusiye şeerleriniñ TOP-100 cedveline kirdi.
Bu malümatnı «Rusiyeniñ region ve şeerlerinde strategik planlaştıruv» XIII Umumrusiye forumında ilân ettiler, dep haber ete Komsomolskaya pravda.
«Reytingniñ malümatıne köre, Aqmescit ve Aqyar Rusiyede yaşayış içün eñ kelişken şeerlerinden olıp, 99-ncı yerde turmaqtalar. TOP-100 cedveli tizilgende, memleketniñ eñ büyük şeerleriniñ şeer müiti ve yaşayış fiyatı kibi hususiyetler nazarğa alındı», – dep yaza neşir.
Birinci beşlikke Surgut, Nijnevartovsk, Tümen, Soçi ve kirdi Yekaterinburg kirdi. Soñra Krasnodar kete. Rusiye paytahtı 25-nci yerdedir.
Neşir yazğanına köre, Aqmescit Qırımnıñ energiyasaqlav ceetinden birinci şeeri oldı. Rusiyeniñ Tabiat resursları ve ekologiya nazirligi 2013 senesi şeerlerniñ ekologik vaziyetiniñ reytingini ilân etti.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.