Moskvada ukrain rejissöri Oleg Sentsovnıñ «Gamer» filmi numayış etildi. Tedbir maqsadı onıñ qanunsız apiske alınmasına dünya cemaatçılığınıñ diqqatını celp etmektir. Filmni Moskvadaki Ukraina elçihanesinde kösterdiler, dep haber ete UNİAN.
Agentlikniñ malümatına köre, film köstermezden evel – Moskvada çalışqan Ukraina diplomatları, diger memleketlerniñ diplomatları, em de Moskvadaki ukrain diasporasınıñ vekilleri – küçük bir fleşmobnı keçirdiler.
Tedbir iştirakçileri RESPECT HUMAN DIGNITY #FreeSentsov yazısı ile beyaz kâğıtları ile foto çıqardılar
Фото: УНИАН
Rusiyede Ukraina işlerinen vaqtınca oğraşqan Ruslan Nimçinskiy hatırlattı ki, «belli bir» sebeplerden Sentsov Qırımda apiske alındı ve bu sene mayıs ayından berli Lefortovo apishanesinde buluna.
Mayıs ayında FSB hadimleri Aqmescitte Oleg Sentsov ve Aleksandr Kolçenkonı, em de Ukrainanıñ daa bir qaç vatandaşını yaqaladılar. Olarnı Qırımda terakt azırlanmasında qabaatlaylar.
Sentâbr 29-da Moskvanıñ Lefortovo rayon mahkemesi onıñ apis müddetini üç ayğa arttırdı – 2015 senesi yanvar 11-ne qadar. Oktâbr 24-te Moskva şeer mahkemesi Sentsovnıñ apis müddetini arttırmaq qararını doğru dep tanıdı.
В мае сотрудники ФСБ задержали в Симферополе Олега Сенцова с Александром Кольченко и несколько других граждан Украины. Их обвиняют в подготовке терактов в Крыму.
29 сентября Лефортовский районный суд Москвы вынес постановление о продлении ареста фигуранту на три месяца – до 11 января 2015 года. 24 октября Мосгорсуд признал законным продление ареста Сенцову.