Qırım paytahtı merkezinde Qırım «halq imayesi» ve GİBDD hadimleri nevbette turacaq gece-kündüz közetme noqtası peyda oldı, haber ete Krım Media.
Aqmescit memuriyetiniñ başı vazifelerini eda etken Gennadiy Baharev aytqanı kibi, işbu noqta oktâbr 29 künü Karl Marks ve Serova soqaqlarnıñ çarpışmasında peyda oldı.
«Halq imayesi» ve GİBDDniñ esas vazifesi – şeer merkezine naqliyatnı kirsetmemek.
Yaqında közetüv noqtasında PPS bölügi da nevbette turacaq.
Neşirniñ malümatına köre, GİBDD hadimleri oñaytsızlıqlar olmasın dep şeer merkezinde yaşağan aqmescitliler aqqında malümatnı topladı – olar maniasız keçe bilecekler.
Qalğanlarnı piyade zonasına kirsetmecekler, deyler Aqmescit memuriyetinde.