Rusiye akimiyeti «Qırım» telekompaniyasına 250 mln rubleni ayırdı. Para telekompaniyanıñ inkişafına ketecektir. Bu aqta rusiyeli akimiyetniñ avalesinde aytıla, – haber ete TASS.
Para «Qırım cumhuriyeti ve Aqyar şeeriniñ içtimaiy-iqtisadiy vaziyetiniñ aydınlatuvına kerek olğan şaraitlerniñ pekitilmesi boyunca masraflarnıñ ödenüvine» ketecektir, – denile avalede.
Şu cümleden, «Qırım» teleradiokompaniyası studiya kompleksini zemaneviyleştirmege, avuştırılğan televizion stantsiyanı ve sputnikni satın alacaq ola.
Belli olğanı kibi, TRK «Krım» 2014 senesi avgust 20 künü qayd etilgen edi. O Qırım içki siyaset, haber ve alâqa nazirligine aittir. Esas binası Aqmescitte buluna.