Qırım ve Donbassnıñ bir qısımını ğayıp etken Ukrainanıñ içki ticaret saasında meseleleri çıqtı. Bunı Ukraina baş naziri Arseniy Yatsenük Poltava vilâyetine iş ziyaretinen bulunğan vaqıtta bildirdi, - dep haber ete UNN.
«Mallarnı satıluvınen bağlı meseleler bar. Birinciden bu Qırımnen bağlı. Ekseriyeti Qırımğa kete edi, anda şimdi fiyatlar öse, tarifler öse, Rusiye Qırımnı zapt etkeni içün biz ticaret alanını coydıq. Alış-verişniñ bir qısımı, köy –hocalıq saası ve onınen qullanğan Donetsk ve Lugansk şeerleri», – dedi Yatsenük.
Aynı zamanda, baş –nazir aytqanı kibi, Ukrainanıñ içki tijaret saası öz-özüni bütünley teminley.
«Şimdi Poltavada biz süt işhanesi saibinen laf etkende, esas mal devletniñ ihtiyaclarına ketkenini muzakere ettik. Men bilem, şimdi qaşqavalnı nasıl etip ve kimge satılacğı belgilendi. Ekşi süt mallar aqqında söz yürütilgende, o da Ukrainada satılacaq»,– dedi Yatsenük.
Baş nazirniñ aytqanına köre, Ukraina Avropa şurasında köy-hocalığı mallarını satmaq içün bütün imtiyazlarını qullanğanını qayd etti. Bildirgenine köre, Avropa parlamenti ukrain malları içün ayırı imtiyazlarnı azırlamağa devam etecek.