Ukrainada aqaretlev areketlerge qarşı çıqqan koalitsiya halqara teşkilâtlar ve ukrain akimiyetine Qırımda insan aqları bozuluvı adiselerge lâqayt qalmamağa rica etti.
Bunıñ aqqında Qırım.Aqiqatta olğan koalitsiya bildirmesinde söz yürütile.
«Belli bir gruppalar aqaretlegeni sebebinden, insan aqları bozulğanını ayta bilemiz», – deylеr koalitsiyada.
Rusiye Qırımnı işğal etkeninen, Qırımda milliy mensüplikke köre, adamlarnı aqaretlegen vaqialar qayd etile. Bir sıra din cemiyet vekilleri taqip etile.
«Qırımda insan aqlarınıñ bozuluvı, aqaretlev adiseleri halqara iqtisadiy sanktsiyalarnıñ kirsetilüvi ve Rusiye Federatsiyası, yerli akimitke qarşı tedbirler içün esas olmalı», – dep aytıla bildirmede.
Qırımda soñki yarım yıl içinde insan aqları bozuluvı adiseleri sıq qayd etile, bunıñnen berabr, tintüvler ötkerile, adamlar ğayıp ola.