Ukraina Yuqarı Radası mudafaa naziri vazifesine Stepan Poltoraknı tayin etti. Buña 245 halq deputatı qol tuttı. Bundan evel deputatlar Valeriy Geleteyni işbu vazifeden boşattılar, dep haber ete Azatlıq Radiosı.
Ukraina prezidenti Petro Poroşenko yañı mudafaa nazirini tanıtmaq içün parlament toplaşuvına keldi.
Devlet yolbaşçısı Poltoraknıñ namzetini oktâbr 13-te teklif etti. Bundan evel o Geleteyniñ istifası aqqında arizasını imzaladı.
General-polkovnik Poltorak 2014 senesi fevral 23-ten itibaren mart 12-ne qadar Ukraina İçki işler Nazirligi Silâlı Quvetleri ordusınıñ başlığında edi. Martnıñ 19-dan berli Ukraina Milliy gvardiyasınıñ komandanı edi.