Oktâbr 8-de Kezlevdeki «Han-Cami» yerli din cemiyeti saqat balalarğa hayriye yardım kösterdi.
Bu aqqında Qırım musulmanları diniy merkeziniñ matbuat hızmeti bildire.
Tavriya müftiyatınıñ müftisi Ruslan efendi yardımğa muhtac olğan ve hasta olğan insanlarğa yardım etmek cemaatte eiy munasebetler doğurmasınıñ sebebi ola.
Aktsiya çerçivesinde farqlı millet vekilleri olğan 14 ailege yardım kösterildi. «Han-Cami» din cemiyeti vekilleriniñ fikirince, böyle etip olar yalıñız yardımğa muhtac olğanlarğa yardım etmeycekler, Kezlevde ve umumen yarımadada dinlerara barışıq ve amanlıqnı pekitecekler.
Milletlerara munasebetler boyunca idare mütehassısı İrina Kulâşova qayd etti ki: «Saqat balalar maddiy yardım aldılar, olar içün dua oqudılar» ve olarnıñ «belâ ile tek başına qalmaycaqlarına bir ümüt peyda oldı».
Hatırlatamız, Qırım Müftiyatı Tavriya müftiyatını tanımay ve Kezlevdeki Cuma Caminiñ zapt etilmesinde qabaatlay.