Qırımtatarlarnı yarımadada qorqutıp, esir etmege çalışalar.
Bunı qırımtatarlarnıñ lideri Mustafa Cemilevniñ qadını Safinar Kezlevde oktâbr 6 künü ölü alda tapılğan Edem Asanovnıñ cenazesinde bildirdi.
«Bu oyunnıñ qaideleri yoqtır. Cezasız qalacaqlarını bileler, istegenini yapacaqlar. Yarımadada esirmiz, bizge qullarğa kibi munasebette bulunalar. İç kimse mesülietni çekmey, qabaatlılarnı da tapmazlar», – dedi o Edem Asanovnıñ ölümini ve qırımatatarlarnıñ vaziyetini izaatlap.
Your browser doesn’t support HTML5
Сафинар Джемилева: «крымских татар пытаются запугать»
Bundan evel о, Edem Asanov öz özüni öldürgenine inanmağanını bildirdi.
Sentâbr 29 künü Kezlevde qırımtatar Edem Asanov ğayıp oldı, oktâbr 6 künü onı cansız alda taptılar. Qırımtatar milliy Meclisinde oğlan asılğan alda tapılğanını bildirdiler.