«Kalançak» kiriş noqtasında Qırımğa tuvarnı alıp barğan «ZİL» maşinasınıñ nezareti vaqtında sıñırcılar gümrük hadimleri ile tirkemede adamnı taptılar.
Bunı Ukraina Devlet sıñır hızmetiniñ matbuat hızmeti bildire.
«Sıñır-gümrük nezaretinden qaçınmaq içün «seyahatçı» maşinada sığırlarnıñ arasında tobanğa saqlandı. Vesiqaları yanında yoq edi. Añlatqanına köre, o, Hmelnitsk vilâyetiniñ sakini ola, vesiqalarını ise coydı» – deyler matbuat hızmetinde. Bu vaqia aqqında içki işler nazirliginiñ hadimlerini haberdar ettiler.