Rusiye mudafaa nazirligi Moskvada sentâbr 16 künü keçirilecek toplaşuvda işğal etilgen Qırımnıñ havfsızlığını muzakere etecek.
Bunı Rusiye içki işler nazirliginiñ matbuat hızmeti bildire.
«Köllegiya iştirakçileri mudafaa nazirliginiñ 2020 senesine qadar faaliyetini muzakere etecekler. Şu cümleden, Qırım federal bölüginiñ territoriyasında Rusiyeniñ havfsızlığı aqqında da söz yürsetilecek»,– denile beyanatta.
Toplaşuv Rusiye Mudafaa nazirliginiñ başı Sergey Şoygu reberliginde keçirilecek.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.