«Saylavlar» yekünlendi, cezalavlar arttı.
Böyleliknen qırımtatar milliy Meclisiniñ reisi Refat Çubarov öz Facebook saifesinden işğal etilgen Qırımda sentâbr 16 künü keçirilgen kütleviy tintüvlerge seslendi.
«İşğalciler yüzsüzlik yapalar, memuriy cezalar ile qorquzalar. Qırımda qırımtatarlar ve azatsever insanlar aqiqiy telüke astındalar. Qırımda cebirniñ artması boyunca halqara toplulığınıñ munasebeti aqqında Kiyevde birazdan başlaycaq çeşit memleketlerniñ elçileri ile körüşüvlerde söz yürsetecekmiz»,– dep yazdı o.
Qırım.Aqiqat bergen malümatına köre, saba sentâbr 16 künü qırımtatar milliy Meclis azası Eskender Bariyevniñ evinde de tintüv keçirildi, neticede onıñ bilgisayarı tutıp alındı.
Bundan soñ qırımtatar milliy Meclis binasını da sarıp aldılar, anda şimdi tintüvler keçirile.
Qarasuvbazar regional Meclisiniñ reisi Mustafa Asabanıñ evinde de tintüvler keçirildi, bundan soñ onı sorğuğa alıp kettiler.
Your browser doesn’t support HTML5
Здание Меджлиса оцепили автоматчики