Keriç keçiti rayonında yel süratınıñ artması beklenile. Bu künleri furtuna havfı tahmin etile.
Bunı «Yekâne naqliye müdirliginiñ» matbuat hızmeti bildire.
«Bu daqqada Keriç keçitindeki yel süratı saniyede 17-20 metrni teşkil ete. «Qırım-Kavkaz» ağında 5 parom çalışa – «Olimpiada», «İonas», «Nikolay Aksenenko» ve «Yeysk», işni devam etmek içün Keriç balıq limanından bizge «Kerçenskiy-2» paromını yolladılar. Paromlarnıñ boğazdan keçüv müddeti 45 daqqadan bir buçuq saatke qadar devam etmesi mümkün», – dep bildire Yekâne naqliye müdirligi.
Nevbetçiniñ malümatına köre, al-azırda «Kavkaz» limanında 850 maşina nevbetini bekley, «Qırım» limanandı – tahminen 720 maşina.
Aqşam üstü yel süratı saniyede 20-23 metrni teşkil ete bile, bundan sebep büyük paromlarnıñ işi toqtatılması mümkün.
Adamlarğa sentâbr 5-6 künleri Qırım ziyaretlerinden vazgeçmege tevsiye etile.