Qırım ve Herson vilâyeti arasındaki memuriy sıñırda yañı kiriş noqtasını açacaqlar.
Bunı Herson vilâyet devlet memuriyetinde bildirdiler.
Tedbir yarın, avgustnıñ 21-de, ötkerilecek. Mında Herson vilâyetiniñ gubernatorı Yuriy Odarçenko iştirak etecek, dep aytıla beyanatta.
Hatırlatamız, Rusiye Qırımda bir sıra kiriş noqtalarını açtı. Şu cümleden, «Aqmescit» ava limanında ava yük-yolcu daimiy çoq taraflı kiriş noqtası, Aqyar, Yalta, Kefe ve Keriç limanlarında deñiz yük-yolcu daimiy çoq taraflı kiriş noqtaları.
Bunıñnen beraber, Ermeni Bazar, Canköyde maşina yük-yolcu daimiy çoq taraflı kiriş noqtaları ve Or Qapuda maşina yük-yolcu daimiy eki taraflı kiriş noqtası, Canköy, Ermeni Bazar ve Aqmescit demir yol stantsiyalarında demir yol yük-yolcu daimiy çoq taraflı kiriş noqtaları açıldı.
Bundan ğayrı, Federal gümrük hızmeti Qırımda sekiz noqtanı ve Aqyarda eki noqtanı meydanğa ketirdi.