Ukraina Nazirler Kabineti yanında iyül ayından başlap Ukraina Nazirler Kabineti Kâtibiyetiniñ Qırım Muhtar Cumhuriyeti ve Aqyar sualleri boyunca Departament çalışa.
2014 senesi iyül 1-den Departament Müdiri vazifelerini Aslan Оmer Qırımlı eda ete.
Bunı Ukraina Nazirler Kabinetiniñ saytında bildireler.
Bundan da ğayrı, Nazirler Kabinetiniñ 2014 senesi iyül 2 künü alınğan avalesi ile Qırımlı Ukraina devlet hızmetçisiniñ beşinci derecesine nail oldı.
Aslan Оmer Qırımlı qırımtatar milliy Meclis reisiniñ beş muavinlerinden biri ola. Bundan da ğayrı o, Kiyevde qırımtatar cemiyeti ve «Qırım Halqara Biznes Assotsiatsiyası»nıñ yolbaşçısıdır. Bunıñ ile o, halq deputatı, qırımtatarlarnıñ milliy yetekçisi Mustafa Cemilevniñ yardımcı-mesleatçısı ola.
Qırımlınnı özü Qırım.Aqiqat saytına aytqanı kibi, o, Qırım sualleri boyunca Nazirlikniñ teşkil etilmesine qol tuta. «Devlet ögünde olğan meseleler olarnıñ eñ yüksek seviyede çezilmesini talap ete. İşğalden evel Qırımda bir çoq devlet qurumlar bar edi, şimdi ise, birisi de yoq. Bu vaziyetni deñiştirmek kerek», – dep ayttı o.