Qırımnıñ musulmanları diniy idaresi (QMDİ) Dagestan Cumhuriyeti müftiyatı ile işbirlik aqqında añlaştı. Bunı QMDİ matbuat hızmetinde bildireler.
Mütenasip añlaşuv Qırım musulmandarı müftisi haci Emirali Ablayev Dagestan müftisi muavini Magomed Magomedov ile körüşüvinde alındı.
Qırım müftisi musafirlerni QMDİ faaliyeti ile tanış etti, Magomed Magomedov ise Qırım islâm dincilerine güzel qabul etkenleri içün minnetdarlığını bildirdi ve Dagestan halqı adından Qırım müminlerine yardım köstermege vade etti.
«Taraflar Qırım ve Dagestan musulmanları eşqına diniy idareler arasında sıqı munasebetlerni pekitmege añlaştılar», – dep qayd ettiler Qırım müftiyatında.
Evel qırımtatar milliy Meclis reisi Refat Çubarov qayd etkeni kibi, Moskva yaqın vaqıtta rastketirecek meseleleri arasında Qırım musulmanlarınıñ Rusiye islâm toplulığına qoşuluv meselesi olacaqtır.