İyül 21 kününniñ birinci yarısında Malaysia Airlines şirketiniñ Boeing 777 tüşürilgen yerinde 31 vefat etken adamnıñ ceseti ve uçaq yolcularınıñ 21 beden qısmı tapıldı», – dep bildire «Ükümet portalı».
Umumen iyül 21 künü saat 12:00-ge facia yerinde 282 ceset ve 87 beden qısmı tapıldı.
251 ceset ve 66 qısım demir yol vagonlarına yüklenildi.
Terroristler Ukraina ükümeti, ОBSE, halqara toplulığınıñ çağıruvlarına baqmadan, vagonlarnı Torez şeeriniñ demir yol stantsiyasından yibermeyler.
Facia qurbanlarnıñ qıdıruvı devam etmekte. Territoriyanıñ 120 kv. km. baqıldı.
Qıdıruv işlerine 810 insan celp etildi, olardan 355 Fevkulâde vaziyetler boyunca Devlet hızmetiniñ mütehassısları, digerleri göñülliler.
Amsterdamdan Kuala-Lumpurğa uçqan Malaysia Airlines şirketiniñ Boeing 777 uçağı iyül 17 künü Ukraina şarqında tüşürildi, 298 insan elâk oldı.
SBU «terakt» maddesi boyunca cinaiy işni açtı. Bundan da ğayrı, SBU uçaq boyevikler tarafından tüşürilgenini tasdiqalğan telefon subetlerini aşkâr etti.