Bazarertesi, iyül 21 künü, İvano-Frankovskta leh medeniyet ve yeudiy dialog merkezinde gençler içün «Kоvçeg» adlı ukrain-leh-yeudiy seminarınıñ açılış tedbiri olıp keçti.
Qırım.Aqiqat mühbiri aytqanı kibi, doquzıncı Kоvçegniñ esas şiarı – «Birdemliksiz serbestlik olamaz».
Bu sene qırımtatar yaşlarını davet etip, tedbirniñ sıñırlarını keñişletmek qarar alındı. İştirakçilerniñ umumiy sayısı 37 insannı teşkil ete.
Seminarnıñ iştarkçileri İvano-Frankovsk vilâyetiniñ Bilşivtsi şeerine iyül 19 künü keldi. Seminar iyül 29-na qadar devam etecek. İştirakçiler içün tedbirler çerçivesinde çeşit treninglerni keçirecekler, olar Lehistannıñ Lantsut ve Peremışl şeerlerini ziyaret eterler, er bir taqım kendi medeniyet, din ve tarihını taqdim etecek.