Aqmescit – Qabul etilgen federal qanunına köre, yarımadada faaliyet etken cemaat teşkilâtları 2015 senesi yanvar 1 kününe qadar, ğayrıdan qayd etilmek kerekler. Bunı etip yapmaq ve faaliyetlerni devam ettirmek suallerge cevaplarnı, çeşit teşkilât vekilleri «İnsan aqları boyunca missiya» azaları teşkil etken treningte aldılar.
Cemaat teşkilâtlarnıñ qayd etilüv hususiyetleri aqqında, uquq boyunca mesleatçı, adliyeci Olga Gnezdilova ikâye etti. Bunen beraber, o, Rusiye qanunlarında «çetel agenti» añlamı ve qırımlı teşebbüsçiler mecbur yapacaq seçim aqqında malümat berdi.
Olga Gnezdilova Qırım.Aqiqatqa da izaat berdi: «Rusiyede, çetelden maliye etilgen ve siyasetnen oğraşqan teşkilâtlar (bu yerde akimiyet ile olğan er türlü munasebetler kire) «çetel agenti» olaraq adlandıralar. Rusiyede, iç bir teşkilât göñülli olaraq bu kibi
Olga Gnezdilova
alğa razı olmayıp, mahkemelerde şikâyet berdi. Qırımdaki cemaat teşkilâtları da, çetelden para almaq ya almamaqnı tüşünmeliler». Aytqanına köre, teşkilâtlar Rusiye tarafından destek ala bileler ve belki de, teşebbüsçilerniñ bir qısımı bunı ister.
Trening bitken soñ, «Tsigun içtimaiy hızmeti» sport-tedavilenüv teşkilâtınıñ reberi İrina Bayevskaya öz teessuratlarınen Qırım.Aqiqat ile paylaştı. Bildirgenine köre, onıñ teşkilâtı Ukrainada kâr ketirmegen bir teşkilât kibi qayd etilgen edi, amma ileride rusiyeli Qırımda faaliyetini devam ettirmek istegenini ayttı. «Rusiye qanunları boyunca teşkilâtnı nasıl qayd etmek mümkünligi meraqlandıra edi, bunı ögrendim işte», – qayd etti Bayevskaya.
«İnsan aqları boyunca missiyası»nıñ vekili Andrey Krisko qayd etkeni kibi, «bu kibi oqutuv tedbiri birinci kere ötkerile, amma ümüt etemiz ki ardı gür olur». Onıñ sözlerine köre, cemaat teşkilâtları azalarınıñ bilgi seviyesini arttıruvı eñ müim meselelerden biri olaraq qayd etildi.
Andrey Krisko
Treningniñ işinde iştirak etip olamağanlar içün, ayırıca malümatlar azırlanıp, «missiyanıñ» saytında yerleştirilecek. Onıñ mütehassısları ileride birleşme ve assotsiatsiyanı serbest teşkil etilüvi, qayd etilüvi ve faaliyetini alıp barmaq imkânlarını nezaret etecekler.
Kriskonıñ sözlerine binaen, bu kibi bilgi dersleri qırımlı uquq-qoruyıcılar, adliyeciler ve yerli matbuat vastaları içün keçirmege planlaştıralar.