Ukraina havfsızlıq hızmeti Ukraina şarqında areket etken boyevikni yaqaladı.
Bunı Ukraina havfsızlıq hızmetiniñ beyanatında bildireler.
Beyanatqa köre, o, «Çeh» lağabı ile boyeviklerge yolbaşçılıq ete edi.
Boyevikni Herson vilâyetinde Novoalekseyevkada «Donetsk-Aqyar» treninde yaqaladılar.
Ukraina havfsızlıq hızmetiniñ malümatına köre, «Çeh» vazifelerni terroristlerden biri İgor Bezlerden («Bes») ala edi.
«Çeh» 25 boyevkiten ibaret olğan taqım ile idare ete edi. Şu taqım arbiy tehnikanıñ ve diversantlarnıñ Rusiyeden Slavânsk ve Gorlovkağa avuşuvını temin ete edi.
Belli olğanı kibi, ateş toqtatuvına baqmadan, terroristler ATO bölüklerine ateş açmağa devam eteler.