Ukraina prezidenti Petro Poroşenko Brüsselden Kiyevge qayttı ve memleketniñ şarqında olğan vaziyet boyunca arbiylerniñ yolbaşçıları ile keñeşke yol aldı.
Bunı devlet başı matbuat kâtibi Svâtoslav Tsegolko «İnterfaks-Ukraina» agentligine bildirdi.
«Prezident Kiyevge kelip, arbiyler ile keñeşke yol aldı», – dedi o.
Belli olğanı kibi, cuma künü Brüsselde Poroşenko Kiyevge qaytkhanınen mudafaa naziriniñ vazifelerini eda etici, Milliy gvardiya serdarı, içki işler naziri, Baş ştabnıñ yolbaşçısı ve Milliy havfsızlıq ve mudafaa şurasınıñ diger azaları ile mesleatlarnı keçirecegini bidirgen edi.
Bu körüşüv neticesinde prezident Ukraina şarqında ateş toqtatuv müddetiniñ uzatuvı aqqında qarar alacaqtır.
İyün 20 künü Poroşenko ukrain arbiylerine memleketniñ şarqında iyün 20-27 künleri ateşni toqtatmağa avale etken edi.