Ukraina mudafaa naziriniñ birinci muavini Bogdan Butsanı taqiqat vaqtına vazifelerinden boşattılar.
İşbu qarar bugün ükümetiniñ resmiy saytında aşkâr etildi, dep haber ete Azatlıq Radiosı.
İyünniñ başında o vaqıt Ukraina prezidenti memuriyetiniñ başı muavini vazifelerini eda etken Andriy Sençenko prokuraturada Butsağa nisbeten cinaiy işni açmaq içün negiz bar olğanını qayd etken edi.
Ükümetke onıñ şübeli areketleri aqqında mektüp yollanıldı, esasen Silâlı quvetlerniñ kelişmegen tehnikiy donatuvı ile bağlı şikâyetler.
İyün 6 künü baş nazir Arseniy Yatsenük Butsağa nisbeten tekrar taqiqat belgilengenini qayd etken edi.