Qırım artıq Ukraina olmaycaq, dep tüşüne Guliver Altın – «Larişes» qırımtatar müzeyiniñ saibi.
Bunı o Qırım.Aqiqat mühbirine Aqmescitte Rusiye Künü çerçivesinde keçirilgen «Sabantuy» bayramında olğan canlı yayında bildirdi.
«Mesele şunda ki, Qırım ne qadar ukrainalı ola. Men ukrainlilerni pek sevem, bu kerçekten yahşı merametli bir halqtır. Lâkin men Ukrainada yaşap, o qadar yahşı insanlarnıñ reberleri ne içün yahşı olmağanını añlap olamay edim», – dedi o ve Ukraina akimiyetiniñ qırımtatarlarğa diqqat etmegenini qayd etti.
O, emin ki, Rusiye terkibinde qırımtatarlarnıñ inkişaf etmek imkânları daa da çoq.
«İleride ne olacağını bilmeyim, lâkin eminim ki, Rusiye Federatsiyası terkibinde bizler bayağı şeyni yapıp olurıq, amma bunı da vaqıt kösterir», – dep ayttı o.
Aynı vaqıtta müzey saibi ukrain pasportı alâ daa onıñ yanında olğanını bildirdi.
Rusiyeniñ Qırım işğalinden soñ qırımtatarlarnıñ milliy lideri Mustafa Cemilevge yarımadağa kelmege yasaq ettiler. Onı «sıñırğa» barıp qarşılağan adamlarnı memuriy para cezasını tölemege zorlaylar.
Bundan ğayrı, «uquq qoruyıcılar» Qırımtatar Milliy Meclisiniñ faaliyeti ekstremizmnen bağlı degen fikirni bildirip, onıñ faaliyeti yasaq etile bile, dep qorquzdılar. Meclis azalarınıñ evinde tintüvler keçirildi.
Bunıñnen beraber, bu sene ilk sefer qırımtatarlar sürgünlik qurbanlarınıñ hatırasına bağışlanğan matem mitingini Aqmescitniñ merkeziy meydanında keçirip olamadılar. Qırımnıñ öz başına ilân etilgen baş naziri Sergey Aksönov kütleviy tedbirlerni yasaq etti.
Ukrainanıñ yañı prezidenti Petro Poroşenko inauguratsiyada Qırım Ukrainanıñ edi, ola ve olacaq, dep bildirdi. Mustafa Cemilev emin ki, yarımada eñ çoq bir qaç yıl devamında Rusiye işğalinden azat etilecek.
Bunı o Qırım.Aqiqat mühbirine Aqmescitte Rusiye Künü çerçivesinde keçirilgen «Sabantuy» bayramında olğan canlı yayında bildirdi.
«Mesele şunda ki, Qırım ne qadar ukrainalı ola. Men ukrainlilerni pek sevem, bu kerçekten yahşı merametli bir halqtır. Lâkin men Ukrainada yaşap, o qadar yahşı insanlarnıñ reberleri ne içün yahşı olmağanını añlap olamay edim», – dedi o ve Ukraina akimiyetiniñ qırımtatarlarğa diqqat etmegenini qayd etti.
O, emin ki, Rusiye terkibinde qırımtatarlarnıñ inkişaf etmek imkânları daa da çoq.
«İleride ne olacağını bilmeyim, lâkin eminim ki, Rusiye Federatsiyası terkibinde bizler bayağı şeyni yapıp olurıq, amma bunı da vaqıt kösterir», – dep ayttı o.
Aynı vaqıtta müzey saibi ukrain pasportı alâ daa onıñ yanında olğanını bildirdi.
Rusiyeniñ Qırım işğalinden soñ qırımtatarlarnıñ milliy lideri Mustafa Cemilevge yarımadağa kelmege yasaq ettiler. Onı «sıñırğa» barıp qarşılağan adamlarnı memuriy para cezasını tölemege zorlaylar.
Bundan ğayrı, «uquq qoruyıcılar» Qırımtatar Milliy Meclisiniñ faaliyeti ekstremizmnen bağlı degen fikirni bildirip, onıñ faaliyeti yasaq etile bile, dep qorquzdılar. Meclis azalarınıñ evinde tintüvler keçirildi.
Bunıñnen beraber, bu sene ilk sefer qırımtatarlar sürgünlik qurbanlarınıñ hatırasına bağışlanğan matem mitingini Aqmescitniñ merkeziy meydanında keçirip olamadılar. Qırımnıñ öz başına ilân etilgen baş naziri Sergey Aksönov kütleviy tedbirlerni yasaq etti.
Ukrainanıñ yañı prezidenti Petro Poroşenko inauguratsiyada Qırım Ukrainanıñ edi, ola ve olacaq, dep bildirdi. Mustafa Cemilev emin ki, yarımada eñ çoq bir qaç yıl devamında Rusiye işğalinden azat etilecek.