Qırım «ükümeti» terrorizmge qarşı tedbirler keçirilgen Donetsk ve Lugansktan bayağı adam kelgenini bildire. «Nazirler Şurasında» yarımadağa qaçaqlar sıfatında «yañlış fikir ve tüşüncelernen» adamlar keleceginden qorqalar.
«Mesele şunda ki, çoqusı insanlar «öz başına» kete, nezaret etilmey, ve bizler bu adamlarnıñ fikir-tüşüncelerini bilmeyik. Artımızda «Pravıy sektor» areketiniñ 5-inci kolonna şekillenmesini istemeyik», – dep ayttı qaçaqlar meseleleri boyunca toplaşuvda Qırım «baş naziriniñ muavini» Sergey Doniç.
Onıñ malümatına köre, adamlar tınçlıq olğan Qırım, Rostov vilâyeti ve Krasnodar ülkesine keteler. O, şunı qayd etti ki, Donbasstan kelgen adamlarnı nezaret etmek imkânsızdır. Aynı vaqıtta, onıñ aytqanına köre, Ukraina akimiyeti adamlarğa «qaynağan noqtalardan» ketmege keder ete.
«Ukraina akimiyeti tsinik, halqqa qarşı, adamlarğa saylamaq aqqını bermey. Olar sıñırda kiriş noqtalarını qapatalar. Bu vaziyette, menimce, Lugansk ve Donetsk vilâyetleri sakinleriniñ büs-bütün qamaçavı olacaq. Kiyev akimiyeti olaraq adlandırılğanlarğa yaqılğan topraq kerek, çünki Lugansk vilâyetinde şist gazınıñ eñ büyük yatağı yerleşmekte, onıñ içün bu faşistlerni insan faktorı meraqlandırmay», – dedi o.
Doniç Donbasstaki öz başına ilân etilgen cumhuriyet vekillerinen qonuşqanını bildirip, tünevin Qırım olarnıñ muracaatınen 200 balanı qabul etkenini ayttı.
Bu afta Qırım «parlamentiniñ» qararı ile Donetsk ve Lugansk vilâyetlerinden kelecek qaçaqlarnen oğraşacaq komissiya meydanğa ketirildi.
«Mesele şunda ki, çoqusı insanlar «öz başına» kete, nezaret etilmey, ve bizler bu adamlarnıñ fikir-tüşüncelerini bilmeyik. Artımızda «Pravıy sektor» areketiniñ 5-inci kolonna şekillenmesini istemeyik», – dep ayttı qaçaqlar meseleleri boyunca toplaşuvda Qırım «baş naziriniñ muavini» Sergey Doniç.
Onıñ malümatına köre, adamlar tınçlıq olğan Qırım, Rostov vilâyeti ve Krasnodar ülkesine keteler. O, şunı qayd etti ki, Donbasstan kelgen adamlarnı nezaret etmek imkânsızdır. Aynı vaqıtta, onıñ aytqanına köre, Ukraina akimiyeti adamlarğa «qaynağan noqtalardan» ketmege keder ete.
«Ukraina akimiyeti tsinik, halqqa qarşı, adamlarğa saylamaq aqqını bermey. Olar sıñırda kiriş noqtalarını qapatalar. Bu vaziyette, menimce, Lugansk ve Donetsk vilâyetleri sakinleriniñ büs-bütün qamaçavı olacaq. Kiyev akimiyeti olaraq adlandırılğanlarğa yaqılğan topraq kerek, çünki Lugansk vilâyetinde şist gazınıñ eñ büyük yatağı yerleşmekte, onıñ içün bu faşistlerni insan faktorı meraqlandırmay», – dedi o.
Doniç Donbasstaki öz başına ilân etilgen cumhuriyet vekillerinen qonuşqanını bildirip, tünevin Qırım olarnıñ muracaatınen 200 balanı qabul etkenini ayttı.
Bu afta Qırım «parlamentiniñ» qararı ile Donetsk ve Lugansk vilâyetlerinden kelecek qaçaqlarnen oğraşacaq komissiya meydanğa ketirildi.