Cumaaqşamı künü, mayıs 15-de, Rusiye Federatsiyasınıñ FSB hadimleri Qırımtatar Milliy Meclisiniñ azası Ali Hamzinniñ evlerinde tintüvler keçirdi.
Qırım.Aqiqat mühbiriniñ malümatına köre, tintüv Hamzin yaşağan ve qayd etilgen yerlerde keçirildi.
Qırım.Aqiqat haber agentligine Aqmescit rayonınıñ Mamaq köyündeki (Stroganovka) «Vasiyet» qırımtatarlar toplu yaşağan qasabasınıñ Meclis azası Edem Mustafayev bildirdi ki, bugün saba saat 7:00 Rusiye mahsus hızmetleriniñ hadimleri Ali Hamzin resmiy şekilde qayd etilgen onıñ evini tintmek içün keldiler.
«Aqmescit Kiyev rayon mahkemesiniñ qararını kösterdiler. Olar eki saat devamında terroristik faaliyetinen bağlı patlav maddeleri, silânı qıdırdılar. Olarnıñ aytqanına köre, Hamzinniñ soyadı taqiqat deñevi vaqtında qayd etildi», – dep tarif ete Mustafayev.
Al-azırda Ali Hamzin Kiyevde buluna. Onıñ Qırım.Aqiqat agentligine bergen malümatına köre, bugün onıñ Bağçasaraydaki şahsiy evinde de tintüv keçirildi.
«Olar oğluma terroristik teşkilâtqa alâqam olğanını ifadelegen senetni kösterdiler. Tintüvni ondan ziyade FSB hadimi keçirdi, eki Ural, «Berkut» hadimlerini alıp keldiler, yolnı qapattılar. Qorantamnı o qadar qorquzdılar ki, qaynanam yaramadı – az qaldı insult olacaq edi», – dep qayd etti o.
Hamzin bunıñ kibi qabaatlavlarnı absurd olaraq tanıy ve tintüv sebeplerini añlap olamay.
«Menim varaqamnı «Pravıy sektor» azasında tapqan ekenler. Bugün saat 17:00 oğlumnı Aqmescitke FSB idaresine davet etkenler», – dedi o.
Qırım.Aqiqat mühbiriniñ malümatına köre, tintüv Hamzin yaşağan ve qayd etilgen yerlerde keçirildi.
Qırım.Aqiqat haber agentligine Aqmescit rayonınıñ Mamaq köyündeki (Stroganovka) «Vasiyet» qırımtatarlar toplu yaşağan qasabasınıñ Meclis azası Edem Mustafayev bildirdi ki, bugün saba saat 7:00 Rusiye mahsus hızmetleriniñ hadimleri Ali Hamzin resmiy şekilde qayd etilgen onıñ evini tintmek içün keldiler.
«Aqmescit Kiyev rayon mahkemesiniñ qararını kösterdiler. Olar eki saat devamında terroristik faaliyetinen bağlı patlav maddeleri, silânı qıdırdılar. Olarnıñ aytqanına köre, Hamzinniñ soyadı taqiqat deñevi vaqtında qayd etildi», – dep tarif ete Mustafayev.
Al-azırda Ali Hamzin Kiyevde buluna. Onıñ Qırım.Aqiqat agentligine bergen malümatına köre, bugün onıñ Bağçasaraydaki şahsiy evinde de tintüv keçirildi.
«Olar oğluma terroristik teşkilâtqa alâqam olğanını ifadelegen senetni kösterdiler. Tintüvni ondan ziyade FSB hadimi keçirdi, eki Ural, «Berkut» hadimlerini alıp keldiler, yolnı qapattılar. Qorantamnı o qadar qorquzdılar ki, qaynanam yaramadı – az qaldı insult olacaq edi», – dep qayd etti o.
Hamzin bunıñ kibi qabaatlavlarnı absurd olaraq tanıy ve tintüv sebeplerini añlap olamay.
«Menim varaqamnı «Pravıy sektor» azasında tapqan ekenler. Bugün saat 17:00 oğlumnı Aqmescitke FSB idaresine davet etkenler», – dedi o.