Qırımda, Rusiye taraftan zapt etilmesinden soñra peyda olğan, suv teminlevi umumiy meselesi sebebinden, Keriçte grafik boyunca suv bermekni közde tutalar.
Krım.Realii menbaasına belli olğanı kibi, Keriç sakinleri içün suv sıñırlavını şeer akimiyeti mayıs bayramlarından soñ ayatqa keçirecek.
Daa bir qaç kün evelsi Keriçniñ şeer başı Osadçiy yerli telekompaniyasınıñ canlı efirinde suallerge cevap qaytarğan vaqıtta, «Qırım akimiyeti suv meselesini çeze», - diye, şeer suvsız qalmaycağını bildirgen edi.
Amma bugün Keriçniñ merı suv anbarında 12 millionğa yaqın kubometr suv olğanını ilân ete.
«Bu suv kölemi tek iyül ayınace yetecek», - dep, qayd ete Osadçiy.
Aytılmalı ki, bir ay evelsi Keriçniñ vitse-merı Aleksey Milovanov o vaqıtta Keriç suv anbarında olğan 16 kubometr suv avgust ayınace yeterli dep, şeer sakinlerini işandırğan edi.
İçtimaiy ağılarda keleyatqan suv kestirilüvler aqqındaki haber furtuna qozğağanı kibi oldı.
«Siyaset çette qalsın, amma halqnı suvsız qaldırmağa - insaniyetsizliktir! Lagerlerde faşistler bile esirlerge aş-suv bergen edi», – olacaq suv kesilmesi aqqında fikirini bildirip, yerli sakinlerden biri ökelendi.
Bundan evel Rusiyeniñ baş naziri Dmitriy Medvedev Qırımnıñ suv teminlev meseleni, Kuban ve Kavkazdan çekip, suv ağını qurmaq ile çezmege teklif etken edi. Bundan ğayrı, yarımadada Azaq deñizniñ suvunı tatlılaşuv zavodını meydanğa ketirmek teklifler de beyan etildi. Amma bu leyhalarnıñ amelge keçirüvi aqqında haber daa yoq.
Krım.Realii menbaasına belli olğanı kibi, Keriç sakinleri içün suv sıñırlavını şeer akimiyeti mayıs bayramlarından soñ ayatqa keçirecek.
Daa bir qaç kün evelsi Keriçniñ şeer başı Osadçiy yerli telekompaniyasınıñ canlı efirinde suallerge cevap qaytarğan vaqıtta, «Qırım akimiyeti suv meselesini çeze», - diye, şeer suvsız qalmaycağını bildirgen edi.
Amma bugün Keriçniñ merı suv anbarında 12 millionğa yaqın kubometr suv olğanını ilân ete.
«Bu suv kölemi tek iyül ayınace yetecek», - dep, qayd ete Osadçiy.
Aytılmalı ki, bir ay evelsi Keriçniñ vitse-merı Aleksey Milovanov o vaqıtta Keriç suv anbarında olğan 16 kubometr suv avgust ayınace yeterli dep, şeer sakinlerini işandırğan edi.
İçtimaiy ağılarda keleyatqan suv kestirilüvler aqqındaki haber furtuna qozğağanı kibi oldı.
«Siyaset çette qalsın, amma halqnı suvsız qaldırmağa - insaniyetsizliktir! Lagerlerde faşistler bile esirlerge aş-suv bergen edi», – olacaq suv kesilmesi aqqında fikirini bildirip, yerli sakinlerden biri ökelendi.
Bundan evel Rusiyeniñ baş naziri Dmitriy Medvedev Qırımnıñ suv teminlev meseleni, Kuban ve Kavkazdan çekip, suv ağını qurmaq ile çezmege teklif etken edi. Bundan ğayrı, yarımadada Azaq deñizniñ suvunı tatlılaşuv zavodını meydanğa ketirmek teklifler de beyan etildi. Amma bu leyhalarnıñ amelge keçirüvi aqqında haber daa yoq.