Ukraina çetel işler nazirligi Baş prokuraturağa Qırımda ukrain arbiy hızmetçisiniñ öldürüvinde qabaatlı olğanlarnı tapıp, cezalarnı bermege muracaatı ile bulundı.
Bunı Kiyevde brifing devamında Ukraina çetel işler nazirliginiñ matbuat siyasetiniñ müdiri Yevgen Perebiynis bildirdi, dep haber ete İnterfaks-Ukraina.
«Bundan da ğayrı, bu facialı vaqianıñ taqiqatını keçirmek içün dava RF çetel işler nazirligine de yollanıldı», – dedi Perebiynis.
O, «Rusiye tarafı Ukrainanıñ toprağı Qırımda arbiy işğali ve zaptı şaraitlerinde Ukraina antına sadıq qalğan ve Rusiye tarafını almağa istemegen ukrain arbiylerini cezalay bilecek» imkâniyetini de red etmey.
Onıñ aytqanına köre, rusiye uquq qorçalayıcı organları taqiqatnıñ birlikte keçirilmesi içün azırlıq köstermediler.
«Ukrain arbiy hızmetçilerniñ öldürüvi ve tutıp alınuvı RF Silâlı Quvetleriniñ Çeçnâ ve Şimaliy Kavkazda olğan kontrterroristik operatsiyası devamında qullanılğan «temizlev» ameliyatınıñ başlanuvı ola bile», – dedi o.
«Qırım militsiya»sında elâk olğan insan daa bir qaç şahıslarnen birlikte Novofödorovka arbiy qısımnıñ KPP ve aviabaza garnizonnıñ yataqhanesine ücüm etkenini aytalar. Yerli içki işler organlarınıñ vekilleri ise arbiy patruli ile «huliganlarnıñ ücümini qaytarmaq» mecbur ediler.
Yüz bergen adise netidejsinde «öldürüv» maddesi boyunca cinaiy iş açıldı. Azamiy sanktsiya – 15 yıllıq apis cezasıdır.
Bunı Kiyevde brifing devamında Ukraina çetel işler nazirliginiñ matbuat siyasetiniñ müdiri Yevgen Perebiynis bildirdi, dep haber ete İnterfaks-Ukraina.
«Bundan da ğayrı, bu facialı vaqianıñ taqiqatını keçirmek içün dava RF çetel işler nazirligine de yollanıldı», – dedi Perebiynis.
O, «Rusiye tarafı Ukrainanıñ toprağı Qırımda arbiy işğali ve zaptı şaraitlerinde Ukraina antına sadıq qalğan ve Rusiye tarafını almağa istemegen ukrain arbiylerini cezalay bilecek» imkâniyetini de red etmey.
Onıñ aytqanına köre, rusiye uquq qorçalayıcı organları taqiqatnıñ birlikte keçirilmesi içün azırlıq köstermediler.
«Ukrain arbiy hızmetçilerniñ öldürüvi ve tutıp alınuvı RF Silâlı Quvetleriniñ Çeçnâ ve Şimaliy Kavkazda olğan kontrterroristik operatsiyası devamında qullanılğan «temizlev» ameliyatınıñ başlanuvı ola bile», – dedi o.
«Qırım militsiya»sında elâk olğan insan daa bir qaç şahıslarnen birlikte Novofödorovka arbiy qısımnıñ KPP ve aviabaza garnizonnıñ yataqhanesine ücüm etkenini aytalar. Yerli içki işler organlarınıñ vekilleri ise arbiy patruli ile «huliganlarnıñ ücümini qaytarmaq» mecbur ediler.
Yüz bergen adise netidejsinde «öldürüv» maddesi boyunca cinaiy iş açıldı. Azamiy sanktsiya – 15 yıllıq apis cezasıdır.