Аqyar civarındaki eşyalarını alıp keteler

Аqyar civarındaki Belbekte yerleşken 204 –nci ukrain taktik aviatsion brigadasınıñ arbiylileri yataqhanelerinden eşyalarını alıp keteler. Olar, eñ yaqın künlerde qorantalarınen beraber "qıtağa" köçmege niyetleneler. İlerige planlar tizmeyler, ayatnı nasıl etip devam etmege bilmeyler. Eşya tolu maşinalarnı esasen Ukrainada yaşağan soylarına yollaylar. Komandir Yuliy Mamçurnen Nikolayev (Ukraina) şeerinde körüşmege isteyler. Polk kelecekte de hızmet etecegine işanalar. Uçucılarnıñ aytqanına köre, polknıñ bayrağını Qırımdan Kiyevge alıp ketkenler.