ZMINA uquq qoruyıcı teşkilâtı sağlığı telüke altında olğan qırımlı siyasiy mabüslerniñ cedvelini derc etti. Leyha Kreml siyasiy mabüsleriniñ soy-sopları birleşmesi, «Qırım uquq qoruyucu gruppası» ve «Qırım birdemligi» işbirliginde azırlanğan. Uquq qoruyıcılar qayd etkenine köre, şimdi Qırımda 180-den çoq siyasiy mabüs aqqında belli, çoqusı – qırımtatarı. Cedvelge Cemil Gafarov ve Konstantin Şiring adı berildi – Qırımda apiste vefat etken eki mabüs.
«Gafarov-Şiring cedveli»: Rusiyede apis etilgen qırımlılarğa tibbiy yardım kösterilmey (fotoresimler)
1
Apis cezasına mahküm etilgen ve uquq qoruyıcılar tarafından siyasiy mabüs kibi tanılğan Arsen Abhairovnı varikoz damarları raatsızlay, bundan ğayrı onıñ tiş ekiminiñ yardımına ihtiyacı bar
2
"Qırım musulmanları davası" boyunca Rusiye mahkemesi tarafından 13 yıl apis cezasına mahküm etilgen, uquq qoruyıcılar tarafından siyasiy mabüs kibi tanılğan Servet Gaziyev 2021 senesi sentâbr ayında Rosto-na-Donudaki 19-nci Vilâyetlerarası verem hastahanesinde köteklengen soñ omurğası ile çekişe
3
Uquq qoruyıcılar tarafından siyasiy mabüs kibi tanılğan qırımtatar Milliy Meclisi reisiniñ birinci muavini Nariman Celâlnı ayaqlarınıñ şişmesi ve varikoz damarları raatsızlay
4
"Ukrayin diversantları davasınıñ" figurantlarından biri Volodımır Dudkağa (sağ taraftan) bir çoq hastalığı olğanına baqmadan tibbiy yardım kösterilmey
5
"Qırım musulmanları davası" boyunca Rusiye mahkemesi tarafından 17 yıl apis cezasına mahküm etilgen, uquq qoruyıcılar tarafından ise siyasiy mabüs kibi tanılğan Timur İbragimovğa kolelitiazis diagnozı qoyulğan
6
Qırımtatar uquq qoruyıcısı, uquq qoruyıcılar tarafından siyasiy mabüs kibi tanılğan Emir-Üsein Kukuğa bağırsaq ameliyatı yapılğan soñ tibbiy yardım kösterilmegen
7
"Qırım musulmanları davası" boyunca Rusiye mahkemesi tarafından apis cezasına mahküm etilgen, uquq qoruyıcılar tarafından ise siyasiy mabüs kibi tanılğan Zekirya Muratov yüksek qan basımı ve yürek yetersizligi ile qıynala
8
Ukrayinanı desteklegeni içün apis cezasına mahküm etilgen qırımlı faal Oleg Prıhodko cezahanede "iskencelerge oğratıla". Qızınıñ sözlerine köre, babası ekimge raatsızlağan yerleri aqqında aytqanda, ekim "Er şey yahşı", dey eken. Prıhodko uquq qoruyıcılar tarafından siyasiy mabüs kibi tanılğan
9
Rusiye mahkesesi tarafından 12 yıl apis cezasına mahküm etilgen, uquq qoruyıcılar tarafından siyasiy mabüs kibi tanılğan cemaat jurnalisti Amet Suleymanovğa yürek hastalığı olmasına baqmadan SİZO-da yatmağa yasaq etilgen
10
Rusiye mahkesesi tarafından 11 yıl apis cezasına mahküm etilgen, uquq qoruyıcılar tarafından siyasiy mabüs kibi tanılğan qırımlı İvan Yatskinge tromboflebit olmasına baqmadan tibbiy yardım kösterilmey
11
Aluşta "Hizb ut-Tahrir davası"nıñ figurantı Ruslan Nagayev, uquq qoruyıcılar tarafından siyasiy mabüs kibi tanılğan
12
Qarasuvbazar "Hib ut-Tahrir davası"nıñ figurantları Riza Ömerov ve Enver Ömerov (sağ taraftan). 2022 senesi 60 yaşındaki Enver Ömerov "Vladimirskiy tsentral"ğa avuştırılğan edi. Ekisi de uquq qoruyıcılar tarafından siyasiy mabüs kibi tanılğan
13
Rustem Şeyhaliyev – Rusiyede yasaq etilgen ve terroristik sayılğan "Hizb ut-Tahrir" islâm siyasiy fırqasına alâqası olğanında qabaatlana. O da uquq qoruyıcılar tarafından siyasiy mabüs kibi tanılğan
14
"Qırım musulmanları davası"nıñ figurantı Yaşar Şihametov (sağ taraftan) içün prokuror 11 yıl apis cezasını istedi. O da uquq qoruyıcılar tarafından siyasiy mabüs kibi tanılğan
15
Qırımlı jurnalist ve uquq qoruyıcı İrına Danılovıç cezasını çekecek yerge etap etilgen soñ ilâcsız qalda. Etap yerine kelip çıqqan soñ bütün ilâcları tutıp alınğan. O bir yıldan ziyade qulaq ağrısı ile çekişe
16
"Qırım musulmanları davası" boyunca Rusiye mahkemesi tarafından apis cezasına mahküm etilgen, uquq qoruyıcılar tarafından ise siyasiy mabüs kibi tanılğan Teymur Abdullayev 750 künden ziyade ceza izolâtorında tutula