Link açıqlığı

Saatnıñ esas haberi

«Fevral 26 davasınıñ» mahkeme toplaşuvında prokuror Degermenci ve Asanovnıñ azat olmalarına qol tuttı


Ali Asanov
Ali Asanov

Kreml nezaretinde çalışqan Aqmescitteki Kiyev rayon mahkemesinde «fevral 26 davası» boyunca oturışta advokatlar, mabuslar uzun müddet devamına apiste bulunğanı sebebinden ceza qararınıñ deniştirilmesi içün muracaatta bulundılar.

Mahkeme toplaşuvında advokatlar sebepler deñişkeni ve davanıñ mabusları Ali Asanov ve Mustafa Degermencini apiste tutmaqnıñ keregi olmağanını ayttılar.

Qırım.Aqıqat muhbiri bildirgeni kibi, prokuror Yegor İvantsov muracaatqa qol tuttı ve Asanovnen Degermenciñ azat olunmasını destekledi.

Bundan soñ mahkemeci Demenok 15:00 qadar teneffüs ilân etti.

Rusiyeniñ Qırım işğalinden soñ yarımadada 2014 senesi fevral 26-da Ukraina topraq bütünliginiñ tarafdarları mitinginde iştirak etken qırımtatar faallerini mahkeme etmege başladılar. Olarğa qarşı Qırımnıñ şimdiki yolbaşçısı Sergey Aksenovnıñ reberiyeti altında «Russkoye yedinstvo» fırqasınıñ faalleri çıqqan edi.

Rusiye mahkemesi iyül 20-de qapalı toplaşuvda «fevral 26 işini» ekige böldi: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG