Rusiye prezidenti Vladimir Putin cezalarğa oğrağan rusiyelilerge kâr aqqında esap bermemege ve Rusiyede hususiy allarda bergi ödememege imkân bergen qanunnı imzaladı. Qanun 2014 senesi yanvar 1-den itibaren işletile.
«Yedinaya Rossiya» deputatı Andrey Makarov azırlağan Bergi kodeksiniñ deñişmelerine Rusiye Devlet duması üçünci oquvda qoltutqan edi. Qanun çetelde biznes ya da mal-mülki olğan ve sanktsiyalarğa oğrağan rusiyelilerge Rusiyeniñ bergi rezidenti olmamağa izin bere. Mart 29-da Federatsiya Şurası qanun leyhasına qoltuttı.
Amerikanıñ sanktsiyalar cedvelinde 56 rusiyeli bar, Avropanıñ cedvelinde – Rusiye ve Ukrainanıñ 157 vatandaşı. Olarnıñ Qırım işğali ve Ukraina şarqındaki separatistlerge qoltutuvda rolü qayd etile. Olarnıñ arasında prezident Putinniñ yaqın arqadaşları sayılğan iş adamları Roman ve Arkadiy Rotenbergler, Gennadiy Timçenko bar.
