Link açıqlığı

Qırım apishanelerinde mabuslarğa azap çektirmege devam eteler. Bunı mart 15 künü matbuat konferentsiyasında BM İnsan Aqları Missiyasısıñ başı Fiona Frazer bildirdi.

Azap berüv ve qıynavlar neticesinde yarımadaki akimiyet mabuslardan istegen ifadesini alıp ola, dep ayttı o.

«Mabuslarnı Rusiyege keçirmege devam eteler, ve elimizde olğan vesiqalarğa köre, tibbiy yardımnıñ berilmemesi ve, eñ azından, bir mabusnıñ ölümi qayd etilgen», – dep qayd etti Fiona Frazer.

«BMT Baş Assambleyasınıñ № 71205 rezalütsiyası Qırımnen bağlı işte esas vesiqa oldı. Onda yarımada Rusiye Federatsiyası tarafından vaqıtınce işğa etilgen topraq olğanı qayd etilgen. Bu esabatta biz Qırımda insan aqlarınıñ bozulmasınen, hususan mabuslarğa nisbeten olğan davranışınen bağlı raatsız olğanımıznı bildiremiz», – dedi Freyzer.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG