Link açıqlığı

Rusiye senatorları prezident saylâvlarını Qırımnıñ «qoşulğan» kününde keçirmege teklif ettiler


Arhiv fotoresimi: Qırım ve Rusiye bayraqları Aqmescitte

Arhiv fotoresimi: Qırım ve Rusiye bayraqları Aqmescitte

2018 senesi Rusiyede ötkerilecek prezident saylâvlarını mart 18 künü, Qırımnıñ «qoşulmsı» aqqında fermannıñ imzalanğan kününden soñ keçirmege planlaştıralar. Senatorlar Andrey Klişans ve Anatoliy Şırokov, Devlet Dumasına saylâv qanunlarına deñişmeler kirsetmege teklif ettiler, şu sırada prezident saylâvlarını martnıñ üçünci bazar kününde keçirmege teklif etile.

Öz nevbetinde, Devlet Dumasınıñ yolbaşçısı Vâçeslav Volodin bu künü saylâvlarnıñ keçirilmesine qol tutqanını beyan etti.

İnterfax-Rossiya haberine köre, Devlet dumasınıñ spikeri: «Bu – bazar künü, ve bu künü bizim qanunlarımızğa köre saylâvlarnı tainlemege mümkün. Ve bu kün bir qaç yıldan berli qayd etkenimiz acayıp bayramınen bir kelgeni pek yahşı» – degen.

2014 senesi mart 16 künü Qırım ve Aqyarda yarımadanıñ statusı aqqında, dünyada qabul etilmegen, referendum keçirildi, neticede Rusiye Qırımnı özüne qoşqanını ilân etti,. Ukraina, Avropa birligi ve AQŞ bu rey berüvini tanımadılar ve Qırım Rusiye tarafında işğal etilgenini tasdiqlay.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG