Link açıqlığı

Ukraina Halqara mahkemeni Rusiyege qarşı işiniñ esası baqılmazdan evel tedbir almağa rica ete


Gaagada halqara mahkeme, Ukrainanıñ Rusiyege qarşı işi boyunca toplaşuv, 6 mart, 2017 senesi

Ukraina Birleşken Milletler Teşkilâtınıñ halqara mahkemesine işiniñ esası baqılmazdan evel Rusiyege qarşı tedbir almağa rica ete. Bunı öz çıqışında Ukrain eyetiniñ reberi olğan kraUkraina Tışqı işler naziriniñ müavini Yelena Zerkal dedi, bildire Ukraina Haberleri.

«Keri çevirilmesi mümkün olamağan telükenen qarşılaşqan ukrain halqı içün, men sizlerni vaqıtınce çare baqmañızñı rica etem», – dedi Zerkal.

Nazir muavini Şarqiy Ukrainada cenkâverler tarafından daa çoq ateş açılğanını bildirdi ve bu, onıñ sözlerne köre, qanunsız şekillengen arbiylerge Rusiye tarafından daima silâ ketirilgenini köstere.

Ondan da ğayrı, Zerkal BMT Halqara mahkemesini işğal olunğan Qırımda Rusiye tarafından insan aqları bozğanı, işğalci akimiyet tarafından qırımtatarlarğa qarşı zulum yapılğanından haberdar etti.

Bunen beraber, Zerkal 2014 senesi iyülde Donetsk vilâyetinde yüz bergen Malaysia Airlines uçağınıñ qazasını, Avdeyevkada vaziyet mürekkepleşkenini, ayrıca, cenkâverler tarafından al etici infrostruktrasınına ateş açılması, Donbasta OSCE mahsus nezaret missiyasınıñ nezaretçilerine areket serbestlginiñ sıñırlağañıñı hatırlattı.

Birinci eki kün devamında taraflar dava boyunca öz fikirlerini bildirmeli, nevbetteki eki künde – nazar noqtalarınıñ soñkileri bildirilecek.

Mahkemeniñ matbuat hızmetiniñ bergen malümatına köre, tedbirde bulunmaq içün 70 yaqın kütleviy haber vastaları ruhset aldı.

Rusiye Qırımnı zapt etken soñ Donbasta silâlı çatışma devam ete, onıñ neticesinde, BM malümatına köre, aman-aman 10 000 insan elâk oldı. Ukraina ve Ğarp, Rusiyeni separatistlerge qoltutqanı ile qabaatlaylar. Kreml bunı inkâr etip, Donbassta Rusiye «göñüllileri» bar ola bile, dep bildire.

XS
SM
MD
LG