Link açıqlığı

Saatnıñ esas haberi

Mahkemede Aksönov qalabalıqlarnıñ teşkil etilmesinde Çiygoznıñ nasıl vazifesi olğanını aytıp olamadı – Polozov


Sergey Aksönov
Sergey Aksönov

Kreml tarafından tain etilgen Qırım yolbaşçısı Sergey Aksönov, mahkemede Ahtem Çiygoznıñ işi boyunca şaat olaraq sözge çıqıp, 2014 senesi 26 fevralde ötkerilgen miting vaqıtında nizamsızlıqnıñ yüz bergeninde Çiygoznıñ rolü ne olğanını aytıp olamadı. Bunı Radio Svobodağa bergen izaatında advokat Nikolay Polozov bildirdi.

Advokat dedi ki: «Çiygoznıñ areketlerine kelgende o (Aksönov – QA), miting iştirakçileriniñ bazıları binağa kirgenleri, gaznıñ septirilmesi, zorbalıqnıñ yüz bermesi Çiygoznıñ areketlerinen nasıl şekilde bağlı olğanını aytıp olamadı».

Onıñ sözlerine köre, Aksönov – Sergey adlı bir insannı hatırladı, o sanki Kyivdeki milletçilerniñ temsilcisi edi ve Aksönovğa bir-qaç onlıq milletçi mitingte olğanını aytqan edi, Qırım yolbaşçısınıñ özü ise qaralı-qırmızılı renkte bir-qaç onlıq bayraq körgenini tasdiqlay.

Kreml tarafından tain etilgen Qırım yolbaşçısı Sergry Aksönov, yanvar 31, salı künü «Çiyğoznıñ işi» boyunca mahkeme toplaşuvında şaat olaraq sözge çıqtı.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Rus Birligi» firqası, miting iştirakçilerine qarşı çıqtı.

Rusiye mahkemesi «Çiygoznıñ işini» «fevlral 26 işi» çerçivesinde alıp bara, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

Qırım «mahkemesi» Çiygoznı aprel 8-ne qadar apiste qaldırmağa qarar alğan edi.

XS
SM
MD
LG