Link açıqlığı

Aqmescitniñ Demiryol rayon mahkemesi advokat Emil Kurbedinovnı Memuriy qanun bozuvları Kodeksiniñ 20.3 maddesi (Natsist timsalleriniñ teşviqatı ve açıq numayışı) boyunca qabaatlı olaraq tanıdı. Advokatnı 10 künge apis ettiler.

Kurbedinovnı 2012-2013 seneleri devamıda IŞİD, Hizb ut-Tahrir ve Cebhet El-Nusra teşkilâtlarınıñ timsallerini Facebookta derc etkeninde qabaatlaylar.

Servis hatası

Oops, as you can see, this is not what we wanted to show you! This URL has been sent to our support web team to look into it immediately. Our apologies.

Onı başqa yerde tapa bilecegiñizni körmek içün qıdırıñız

Rusiyeniñ silâlı hızmetleri yanvar 26, cumaaqşamı künü Bağçasarayda advokat Emil Kurbedinovnı yaqaladı. O zenaatdaşı Edem Semedlâyevnen birlikte qırımtatarı Seyran Saliyevniñ evine kete edi, anda sabadan tintüv ötkerile edi.

Kurbedinovnıñ yaqalanuvı aqqında Qurultaynıñ MSK reisi Zair Smedlâyev öz Facebook saifesinde haber etti. Onıñ bergen malümatına köre, Kurbedinov ve Semedlâyevniñ ofislerinde tintüv keçirildi.

Edem Semedlâev ve Emil Kurbedinovnıñ qullanğan maşnalarını Rusiye yol nezaret hızmetiniñ vekilleri toqtattı, birazdan o yerge FSB hadimleri kelip Kurbedinovnı yaqaladılar.

İşdeşiniñ yaqalanuvı aqqında malümatnı, İlmi Umerov ve Ahtem Çiygoznıñ işinde imayeci olğan, Rusiyeli advokat Nikolay Polozov ta tasdiqladı.

Radio Svoboda muhbiri Anton Naumlükniñ haber etkenine köre, yanvar 26 künü Rusiyeniñ FSB hadimleri Emil Kurbedinovnıñ evini tinttiler.

Facebookta Osman Arifm adlı qullanıcı yazdı ki, Qırımlı advokatnıñ dairesine «urbalarında rutbeleri kösterilmegen, silâlı ve maskalı insanlar» keldi.

Tintüvni ötkergen silâlı insanlar Emil Kurbedinov ve Edem Semedlâyevniñ ofisinden iş tehnikasını alıp çıqtılar, dep yaza Qırımlı faal Anna Bogaçeva.

Advokat Cemil Temişevniñ bergen malümatına köre, Qırımda Kreml nezatindeki mahkemede Emil Kurbedinov içün toqtatuv tedbirlerini qabul etmek içün mahkeme toplaşuvı saat 14:00 (Kyiv saatına köre 13:00 – QA) tain etilgen.

Jurnalist Anton Naumlük Facebookta yaza ki, Emil Kurbedinovnıñ dairesinde ötkerilgen tintüvge mahsus quvet bölügi keldi.

Naumlüknıñ yazqanına köre, Kurbedinovnıñ dairsine advokatnı yiberdiler.

Rusiyeli advokat Nikolay Polozov, Emil Kubedinovnıñ yaqalanuvı munasebetinen beyanat yayınladı.

«Soñki künlerniñ adiseleri köstere ki, rus akimiyeti yañı taktika sayladı. Endi bir tek siyasiy faaller taqip etilmey de, ilk evelâ olarnıñ qoruyıcılarına darbe urıla», – dedi Polozov. Onıñ fikirine köre, soñki adiseler – yaqın zamanda siyasiy basqılar şiddetleşegine işaret ete.

Öz nevbetinde Qırım Advokatlar palatasında dediler ki, advokat Emil Kurbedinovnıñ yaqalanuvı aqqında haberdarlar. Mında: «er şey qanun çerçivesinde ötkerilgeninde» işandıralar. Qırım.Aqiqatnıñ suallerine bu şekilde Qırım advokatlar Palatasınıñ prezident muavini Yelena Kançi cevap berdi.

«Onıñ imayecisi bar. Başqa bir türlü malümat siz menden alıp olamazsıñız, çünki bu vaziyette Advokatlar Palatası, ayrı işler boyunca berilgen yardım aqqında, bilgi bermey. Kerekli yardımnı ise konkret advokat bere. Bizler içün eñ müimi – o imayesiz qalmağanı. Onıñ advokatı bar, imayesi bar, advokat savatlı biri», – dedi Advokatlar Palatasınıñ prezident muavini Yelena Kançi.

Bu arada Rusiye kütleviy haber vastaları Bağçasarayda «Hizb ut-Tahrir teşkilâtınıñ bölügini yoq etmek içün» mahsus operatsiya keçirilgenini haber ete. Bunı RİA Novosti agentligine Kreml nezaretindeki Qırım akimiyetiniñ milletlerara munasebetler ve sürgün olunğan vatandaşlar işleriniñ devlet komiteti reisi Zaur Smirnov ayttı.

Emil Kurbedinov «Hizb ut-Tahrir işi» boyunca bir-qaç mahkümniñ ve jurnalist Nikolay Semenanıñ advokatı ola.

Keçende Aqmescitte FSB hadimleri, İlmi Umerov ve Ahtem Çiygoznıñ işlerinde advokat olğan Nikolay Polozovnı yaqalap, sorğuğa alğan ediler. Polozov bu yaqalamanı qaçıruv olaraq tanıy ve avokatlar toplulığını bu kibi adiselerge seslenmege çağıra.

Qırımda 20 dekabrde advokat Nikolay Polozovğa qarşı cinaiy iş açılğan edi. Uquq qorçalayıcılar, rusiye silâlı hızmetleri bu kibi areketlernen Polozovnı «İlmi Umerovnıñ işinden» çetleştirmege istegenini tüşüne.

XS
SM
MD
LG