Link açıqlığı

Saatnıñ esas haberi

Ukraina Baş prokuraturası: eki qırımlı askerge qarşı açılğan iş mahkemege berildi


Maksim Odintsov
Maksim Odintsov

Ukraina Cenüp regionındaki Nikolayev garnizonınıñ arbiy prokuraturası mahkemeden aldın taqiqatnı yekünlep, mahkemege Ukraina Silâlı quvetleriniñ eki sabıq askeri Aleksandr Baranov ve Maksim Odintsovnıñ qabaat qararlarını mahkemege yolladı. Baş prokuraturanıñ matbuat hızmeti bildirgenine köre, olarnı ant sözlerine sadıq qalmağanları ve istilâcı devlet tarafına keçkenleri ile qabaatlaylar.

«Sabıq kiçik serjant ve praporşçik Qırım Muhtar Cumhuriyetinde yerleşken arbiy bölüklerden birinde askerlik yapıp, yarımada işğali vaqtında askerlikniñ yañı yerine kelmeyip, işğal altındaki topraqta qaldı ve askerlikten vazgeçkenler, bu sebepten qıdırılmağa başladılar. İleride Rusiye Silâlı quvetlerinde askerlik yapılmasına dair añlaşma tizgenler», – dep aytıla haberde.

Sabıq ukrain askerlerine qarşı iş «askerlikten vazgeçüv» ve «devlet hainligi» maddeleri boyunca açılğandır.

Ukraina havfsızlıq hızmeti Odintsov ve Baranov noyabr 20-de işğal etilgen Qırım ile sıñırdaki «Çonğar» kiriş noqtasında yaqalanğanlarını bildirgen edi. Mahkeme olarnı para berme ihtimali ile eki ayğa qadar apiske aldı. Soñra kefalet aqqı red etilgendir.

Rusiye Mudafaa nazirligi bildirgenine köre, Ukraina havfsızlıq hızmeti Rusiye askerleri olğan Odintsov ve Baranovnı Qırımdan Nikolayev vilâyetine qaçırdı.

XS
SM
MD
LG