Link açıqlığı

AQŞ ve AB devletleri Rusiyege qarşı sanktsiyalarnı devam ettirecekler


Barack Obama ve ileri Avropa devlet yolbaşçılarınıñ körüşüvi, Berlin, 18 noyabr 2016 senesi

AQŞ prezidenti ve ileri Avropa devletleriniñ yolbaşçıları Rusiyege qarşı sanktsiyalarnı, Ukrainanıñ şarqiy bölgelerinde barışıqnıñ tiklenmesi içün bütün mecburiyetlerini yerine ketirgenine qadar, uzatacaqları aqqında añlaştılar.

Cuma künü Berlinde ötkerilgen körüşüvde AQŞ, Almaniya, Büyük Britaniya, Frenkistan, İtaliya ve İspaniya yetekçileri NATO birligini ve transatlantik işbirlikni küçlendirmege añlaştılar. Bu ilk evelâ Yaqın Şarq ve Şimaliy Afrikadaki vaziyetni tüzetmek, Suriye ve Ukrainadaki arbiy davalarnı çezmek içün kerekli olğanı aytıldı, dep bildire Beyaz Saraynıñ matbuat hızmeti.

Barack Obama prezident vazifesinde soñki kere Avropa devletleri boyunca ziyaretlerini keçire. Ziyareti devamında o Avropadaki ortaqlarnı devletniñ yañı yolbaşçısı Donald Trump olğan soñ Amerika bütün ittifaqdaş añlaşmalırı yerine ketireceginde işandıra.

XS
SM
MD
LG