Link açıqlığı

Ukraina Mudafaa nazirligi ukrain istihbarat hadimleriniñ Qırımda yaqalanğanları aqqında malümatnı red etti


Ukraina mudafaa nazirligi İstihbarat baş idaresiniñ timsali. Arhiv resimi

Ukraina Mudafaa nazirliginde Rusiye FSB hızmeti tarafından Aqyarda 9 noyabrde «ukrain deversiya taqımınıñ» yaqalanması aqqında malümatnı red etti. Bunı müessiseniñ matbuat jızmetinde bildirdiler.

«Rusiye mahsus hızmetleriniñ bu nevbetteki yalanı (Qırım – QA) yaramada sakinlerine qarşı yapılğan basqılarnı gizlemek içün, ve Ukrainanı dünya toplulığı öğünde alçaqlatmaq içün uydurılğan», – dep buyurıla beyanatta.

Rusiye Federal telükesizlik hızmeti işğal etilgen Aqyarda noyabr 9 künü sanki «Ukraina mudafaa nazirliginiñ İstihbarat baş idaresine bağlı olğan sabotaj-terroristik taqımınıñ azalarını» yaqalanğanını bildirdi.

Avgust 10-da FSB bildirdi ki, avgust 7-ge keçer gecesi «ukrain diversantları» taqımı yaqalandı, olar sanki Qırımda terakt azırlay ekenler. Bundan ögüne zapt etiilgen Qırımnıñ Rusiye kontrolündeki memuriy sınırnıñ keçitleri üç kün devamında qapatıla edi.

Ukraina ükümeti qabaatlavnı red ete ve yüz bergen vaqianı rusiyeli mahsus hızmetlerniñ «provokatsiyası» dep adlandıra.

Avgust 12 künü REN-TV rus telekanalınıñ sitesinde ukrainalı Yevgeniy Panovnıñ sorğudan keçirüv videosı peyda olğan edi ve o yerde o FSB-niñ bütün qabaatlavlarıını qabul ete. Bundan soñ uquq qorçalayıcıları yaqalanğannıñ bedeninde azaplarnıñ izleri qalğanını bildirgen ediler.

XS
SM
MD
LG