Aqmescitte «fevral 26» işiniñ mahkeme esnası devam ete. Men bu işte Ali Asanovnıñ menfaatlarını temsil etem.
Bazarertesi künü, oktâbr 3-de, esnas Ceza-tedbir kodeksiniñ bozulmasından başladı, esnas iştirakçilerine eki kün ögüne haber etilgen olsa, Ali Asanov ve Mustafa Degermenci bunıñ arfesindeki aqşam Aqmescit şeeriniñ Merkeziy rayon mahkemesine alıp ketirileceklerini ögrendiler.
Maña, mahküm etilgenniñ resmiy temsilcisine, haber bile etilmedi, tayin etilgen advokatnı davet ettiler.
Mahkemeci prokurornıñ Ali Asanov ve Mustafa Degermenciniñ apiste yatma müddetini uzatma muracaatını baqmağa başladı, faqat advokat Solodkov A.Y. mahkemege bundan evel bir toplaşuv keçirmege rica etkenini bildirdi, bundan soñ mahkemeci 2016 senesi oktâbr 7 kününe qadar teneffüsni ilân etti. Faqat böyle bir adım atıp, mahkeme Rusiye Federatsiyasınıñ CTK 231-inci maddesiniñ 4-ünci noqtasını kene bozdı: «Taraflar mahkeme toplaşuvı keçirilecek yer, kün ve saatini onıñ başlamasına eñ az 5 kün qalğanda ögrenmeli».
Amma hoş daqqalar da oldı. Ali balalarını körip, olarnen biraz subetleşti. Fotoresimde küçük oğlunıñ quvanç tolu közleri körüne.
Edem Semedlâyev, advokat, Qırımnıñ uquq qorçalayıcısı
«Bloglar» rubrikasında bildirilgen fikir-tüşünceler müelliflerniñ noqtaiy-nazarını aydınlatıp, muarririyetniñ baqışları ile aynı olmaması mümkün