Link açıqlığı

Kremlge boysunğan Qırım Fiyatlar ve tarifler boyunca Devlet komiteti yarımadanıñ 36 işhanesinde «ayatiy kerekli ve eñ müim ilâc cedveline» kirgen ilâclar fiyatlarınıñ talilini yaptı ve belgiledi ki, bir qaç kategoriyada orta qoşma fiyat arttı.

Bu aqta müessiseniñ matbuat hızmeti sentâbr 13-te bildirdi.

«50-ge qadar ruble fiyat gruppasında qoşma fiyat 22,23 fayıznı teşkil ete, bu ise, keçken aftanıñ köstergicine köre, 0,07% yüksektir, 50-den 500-ge qadar ruble fiyat gruppasında – 20,59%, bu ise, 2016 senesi avgust 2-de keçirilgen monitoring vaqtındaki köstergiçke köre, 0,04% ziyade, ve 500-den ruble fiyat gruppasında – 15,05%, bu ise, keçken afta seviyesinden 0,06% azcadır», – dep aytıla beyanatta.

Tünevin Qırım Fiyatlar ve tarifler boyunca Devlet komiteti reisi Nina Zotoviç bildirdi ki, ayatiy kerekli ve eñ müim ilâclarnıñ fiyatları köterilmesi «devlet tarafından ciddiy nezaret etile».

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG