Link açıqlığı

Forbes mecmuası Vladimir Putinnen bağlı olğanı aytılğan Şamalovlar qorantasını Rusiyeniñ on eñ zengin qoranta sülâlesi sırasına qoştı. Olar reytingde 2,4 milliard dollar variyetinen dörtünci yerde basamaqta yerleşti.

Nikolay Şamalovnı rusiyeli prezidentniñ dostu dep adlandıralar. O, Putin kibi, «Ozero» kooperativiniñ sabıq azası, bunen beraber, «Rossiya» bankınıñ daa bir saibi ola.

Nikolay Şamalovnıñ oğlu Kirill, qaysı birine tahminlerge köre Putinniñ qızı Katerina Tihonovanıñ aqayı dep adlandıralar, «Sibur» yermay-tehnikiy holdinginiñ müdirler şurasınıñ azası ola.

Forbes reytinginde birinci yerni Mihail Gutseriyev ve onıñ soy-sopları, ekinci yerni Putinniñ yaqın tögereginden daa bir iş adamı Arkadiy Rotenberg, üçünci yerde ise Aleksey ve Dmitriy Ananyevler oldı.

Forbes mecmuasınıñ qayd etkenine binaen, keçken senege köre, Rusiyeniñ eñ zengin sülâlelerniñ umumiy variyeti aman-aman 40 fayızğa, yani 25 milliard dollarğa qadar arttı.

XS
SM
MD
LG