Link açıqlığı

Yolcularnıñ havfsızlığı içün «Ukrzalіznitsâ» Novoalekseyevka ve Herson stantsiyalarına marşrutnıñ qatnavını sıñırlay.

Bunı ukrain taşıyıcınıñ matbuat hızmeti bildire.

«Dekabr 27 kününden seferge çıqacaq trenler nevbetteki stantsiyalarğa qadar baracaq»,– deyler müessisede.

Şu cümleden, Novoalekseyevka stantsiyasına qadar № 11/12 Kiyev – Aqmescit, № 28/27 Kiyev – Aqyar, № 88/87 Kovel – Aqyar, № 86/85 Lvov – Aqmescit, № 90/144-143/89 Dnepropetrovsk, Krivoy Rog – Aqmescit ve № 92/81 – 82/92 Kremençug (Poltava), Harkov – Aqmescit trenleri qatnaycaq.

Bundan da ğayrı, üç halqara seferi lâğu etilecek: № 40/98 – 97/39 Aqmescit, Keriç – Moskva Aqmescitten, Keriç ve Moskvadan dekabr 28 kününden qatnamaycaq.

№ 68/618/668-667/6617/67 Aqyar, Aqmescit, Kezlev – Moskva treni Aqyar, Aqmescit, Kezlevden dekabr 29, Moskvadan 27 kününden lâğu etilecek.

№ 100/99 Minsk – Aqmescit treni Summı ve Minskten dekabr 27 künü, Aqmescitten dekabr 28 kününden lâğu etildi.

Bunıñ ile, dekabr 26 kününden qıtaiy Ukraina ve Qırım arasında çeşit yüklerniñ demir yol vastası ile avuştıruvı yasaq etile.

XS
SM
MD
LG